shababmenouf
بسم الله الرحمن الرحيم
"ما يلفظ من قول الا لديه رقيب عتيد"


مرحبا بكم فى موقع ومنتديات شباب هندسة منوف

من يواجه اى مشكلة أو لديه طلب أو اى استفسار
برجاء مراسلتنا على البريد الالكترونى
shababmenouf@yahoo.com

ندعوا الله بأن ينال عملنا إعجابكم ورضاكم

لاتنسونا من صالح دعائكم
اخوكم في الله وليد نمرة

shababmenouf


 
الرئيسيةالبوابةالتسجيلدخول

شاطر | 
 

 كيفية اختيار الأدوات والأجهزة الالكترونية وبالاسعار

اذهب الى الأسفل 
كاتب الموضوعرسالة
shababmenouf
المدير العام
المدير العام
avatar

عدد الرسائل : 338
تاريخ التسجيل : 02/09/2007

مُساهمةموضوع: كيفية اختيار الأدوات والأجهزة الالكترونية وبالاسعار   الإثنين فبراير 23, 2009 6:45 am


بسم الله الرحمن الرحيم

السلام عليكم ورحمة الله وبركاته

كما عودتكم براحتكم من العناء فى البحث او الاستفسار

اتيت لكم بموضوع فى غاية الاهمية وهو كيفية اختيار وشراء الادوات والاجهزة الالكترونية

واريد قبل ان ابدا ان اوضح شيء مهم اعلم انك ستحتاج هذه الادوات ليس فقط فى الكلية ولكن ايضا

خارجها بعد الانتهاء من الدراسة ومن الممكن ان تحتاجها فى عملك ووظيفتك فارجو ان تهتموا بها جيدا





اولا ً : في مثل بيقول الغالي تمنه فيه .
بمعني - أنه كل ماتكون ادوات الصيانه مرتفعه الثمن كلما ارتفعت جودتها ( مع ملاحظة أخذ الغش في الاعتبار ) واقصد بالغش ان اللاداه المباعه ماتساويش الثمن المطلوب فيها لذلك ينصح بحسن أختيار المركز او المحل التجاري الذي نقوم بالشراء منه .

ثانيا : يرجع التفاوت في أسعار ادوات الصيانه إلي اختلاف الخامات المصنع منها الاداة - مع الاخذ في الاعتبار طبعا :
1 - عيوب الصناعه بمعني أننا نشتري أداة قيمة وتتلف بسرعه – ده طبعا بيبقي عيب صناعة ويبقي نصيبنا كدا .
2- سوء الاستخدام - بمعني أن سيادتك تحمل الاداه فوق طاقتها مثلا أو تسقط منك الاداه علي الارض .

سبحـــان الله وبحمده - سبحان الله العظيم


أولا : ومن أهم أدوات الصيانه هي الهوت أير - وتسمي باللغه الانجليزيه
Rework Soldering station
ويوجد منه نوعان
هوت اير عادي


هوت أير ديجيتال



الفرق بينهما هو ان الديجيتال يظهر درجة الحرارة الصادره من الكاويه علي الشاشه حتي يستطيع الفني متابعة درجة الحرارة بدقه دون حرق القطع ومن الطبيعي انه اغلي في السعر لكن في الواقع العملي الفني مش محتاج الديجيتال اوي لائنه يتحكم بالحراره بخبرته وبالتالي مش مستهله يدفع فلوس حاجه مش حتفيده كتير .

ويلاحظ عند شرائه اختيار نوع جيد لأن الأنواع الرخيصة تكون
1. مكنة ضخ الهواء فيها ضعيفة وبالتالي ضغط الهواء الخارج ضعيف أيضا .
2. قصر عمر سخان الهوت الخاص بها .
3. ايضا قلة جودة الكاوية المرفقه معه

ملحوظه هامه : يجب التأكد من ان الكاوية الحراريه الموجوده مع الهوت هي الاصليه لأن هناك الكثير يبدلونها بتقليد وبالتالي تكون رديئه .

4. سعر الجهاز في السوق المصري بتراوح من 150 جنيه لحد 400 جنيه وأكثر .


لكي تحافظ علي جهازك :
لا تترك الكاويه تعمل بصوره مستمرة وانت لاتعمل بها لأن ذلك يؤدي الي استهلاك السخان بسرعة ويؤدي الي استهلاك طلمبة ضخ الهواء بسرعه .
تجنب سقوط سوائل علي الهوت – يعني متكنش شغال وحاطط عليه كوب شاي ممكن يتدلق عليه ويتلف .

سبحـــان الله وبحمده - سبحان الله العظيم



ثانياً : الافوميتر

ويسمي بالانجليزيه Multimeter وليه موديلين .
• انالوج وشكله كالتالي

• وديجيتال وصورته كالاتي
أو
والفرق بينهما
الانالوج بمؤشر
والديجيتال بشاشه رقميه وبه مكان لقياس الترانزيستور العادي ومكان لقياس المكثف وسعته .
ويلاحظ ان الديجيتال هو المستخدم في الصيانه الحاليه نظرا لسهولة استخدامه وامكانياته التي تذيد عن اللانالوج .
ويلاحظ عند شراؤه :
لا يشترط ان نشتري الافو الغالي أوي نظرا لأن احتياجاتنا للامكانيات الذائده غير ضروري واحنا اتفقنا مندفعش فلوس في حاجه مش حنستفاد منها .
• سعر الجهاز في السوق المصري بتراوح من 15 جنيه لحد 400 جنيه .
لكي تحافظ علي جهازك :
لا تترك الافو مفتوح وانتي لا تعمل به وذلك لائنه يعمل ببطاريه داخليه 9 فولت وهذا يؤدي الي سرعة استهلاكها .
لا تعمل بالافو وهو بعيد عنك وتضطر تشد السلك بتاعه وده يؤدي الي انقطاع سلك القياس الخاص به بعد وقت قصير .
لا تضعه بالقرب من حافة الترابيزه حتي لا يسقط ويتلف .
سبحـــان الله وبحمده - سبحان الله العظيم


ثالثا : الكاويه الحراريه
ويسمي بالانجليزيه Soldering Iron
وشكلها كالتالي :



وهي هامه جدا لفك وتركيب بعض القطع والتي لها ارجل في المذربورد مثل المكثف والكومات مثلا ويضطر البعض لشرائها خاصة ان الكاويه التي تأتي مع الهوت أير سريعة التلف وعادة تكون تقليد مش اصليه .
ويوجد من الكاويه انواع كثيره منها الرخيص ومنها الغالي ويختلف في بعضها البعض من حيث
- جودة السخان الموجود بالكاويه وطول عمره .
- سن الكاوية والماده المصنوع منها .
- قوة السخان ويقاس بالوات ( 30- 40- 60 )
وطبعا الافضل ان يكون سن الكاويه مش معدن عادي زي اللي بيجي عادة مع الكاوية الصيني ولكن ممكن السن السيراميك ويمكنك شراء كاويه عادية وشراء سن سيراميك بالسمك اللي أنت عاوزه – ويفضل أن تكون 40 او 60 وات .
يلاحظ ان الكاويه الجيده تساعد في اللحام جدا وتوفر في الوقت .
• سعر الكاويه في السوق المصري بتراوح من 5 جنيه لحد 80 جنيه
(حسب سن الكاويه والوات واليد خشبيه أم بلاستيكيه )
لكي تحافظ علي الكاوية:لا تتركه في الكهرباء طالما انك لا تعمل لأن كل سخان ليه عمر افتراضي وعدد ساعات تشغيل ويستهلك بكثرة الاستعمال .
لا تدع الكاوية تسقط علي سنها لان ذلك يتلفه .
يتم تنظيف سن الكاويه بعد كل عملية لحام .
لا ترفع الكاويه من السلك فذلك يؤدي الي فصل السلك من داخل الكاويه .


رابعا : شفاط القصدير
ويسمي بالانجليزيه Solder Sucker وشكله كالتالي :


ويستخدم في شفط القصدير القديم حتي نتمكن من تركيب القطعه الجديده ويوجد منه عدة أنواع ويختلف سعره علي حسب جودته
ويلاحظ عند الشراء :
يعتمد قدرة الشفاط علي الطلمبة الداخلية فكلما كانت جيده كلما كان الشفط جيد وبالتالي لا نضطر لتكرار عملية الشفط ايضا لو كانت مقدمة الشفاط من المطاط الجيد او البلاستيك الجيد كلما ساعد علي عملية الشفط .
• سعر الشفاط في السوق المصري بتراوح من 5 جنيه لحد 50 جنيه
(حسب الطلمبه ومقدمة الشفاط وقوة السحب )
كي تحافظ علي جهازك :
يجب تنظيف الشفاط من القصدير الزائد من الحين للاخر.
في حالة قلة السحب يمكن تزييت الطلمبه حتي تسحب جيدا .
يجب ان تبعده عن الاتربه الكثيفة والشوائب .


خامساً : القصدير أو الازير
ويسمي بالانجليزيه Solder وشكله كالتالي :


وهو من اهم احتياجات فني الصيانه ويوجد منه انواع عديده بالاسواق والفرق بينهم هو نسبة الرصاص الموجوده مع القصدير ويلاحظ انه كلما قلت نسبة الرصاص في القصدير كلما ذادت جودته .
• سعر القصدير في السوق المصري بتراوح من 3 جنيه لحد 30 جنيه للربع كيلو (حسب نسبة الرصاص في القصدير) وأفضل نوع في السوق هو السنغافوري .
كي تحافظ علي القصدير:
حاول ان تبعده عن الرطوبه الشديده .

سبحـــان الله وبحمده - سبحان الله العظيم

سادسا : الفلكس
ويسمي Flux وشكله كالتالي
:


أو

ويستخدم في المساعدة علي انصهار القصدير أثناء فك المكونات
ويوجد منه عدة أنواع فلكس سائل وفلكس كريم وفلكس جيل
الاكثر شيوعا هو الكريم واحيانا الجيل
عند الشراء يفضل العلبه المستورده لان المصري بيسود البودره وكفاءته قليله في عملية الفك .
جودته .
• سعر الفلكس في السوق المصري بتراوح من 2.5 جنيه لحد 10 جنيه وأفضل نوع في السوق هو المستورد .
كي تحافظ علي الفلكس:

حاول ان تبعده عن السخونيه .


سابعا : القصاف والزراديه
ويسمي بالانجليزيه Flush وشكله كالتالي :



ويستخدم في قص اطراف المكونات والاسلاك الذائده وسحب أي مكونات تحتاج لقوه في الخلع .

ويوجد منه انواع علي حسب خامته
عند الشراء يفضل المستورده لجودة خامته .
• سعر القصافه والزراديه في السوق المصري بتراوح من 5 جنيه لحد 10 جنيه وأفضل نوع في السوق هو المستورد .
كي تحافظ علي القصافه:
حاول ان تبعده عن الرطوبه .
لاتحاول استخدامها في أغراض منزليه حتي لا تتلم .


ثامنا ً : الملاقيط أو الجفت
ويسمي بالانجليزيه tweezers وشكله كالتالي :

وهي تستخدم لمسك المكونات اثناء الفك والتركيب ويوجد منها بالاسواق اشكال وانواع وافضل نوع هو الاستانلستيل الاصلي
عند الشراء يفضل الاستانلستيل المستورد لجودة خامته .
• سعر الملاقيط أو الجفت في السوق المصري بتراوح من 5 جنيه لحد 10 جنيه وأفضل نوع في السوق هو المستورد .
كي تحافظ علي الجفت:
حاول ان تبعده عن الرطوبه .
لاتحاول استخدامها في أغراض منزليه حتي لا يحدث أنعواج .


تاسعا ً : سلك شيلد
ويسمي بالانجليزيه Braided Wire وشكله كالتالي :



ويستخدم في سحب القصدير الزائد أثناء اللحام

سعر الشيلد في السوق المصري حوالي 10 جنيه وأفضل نوع في السوق هو المستورد .

كي تحافظ علي الشيلد :
حاول ان تبعده عن الرطوبه .


عاشراً : كارت التيستر
ويسمي بالانجليزيه motherboard Debugger card وشكله كالتالي :

أو
ويستخدم في المساعده في تحديد الدائرة التي بها عطل علي اللوحه الام
ويوجد في السوق عدة أشكال منه هناك بشاشتين وهناك بأربعة شاشات
هناك كارت داخلي وهناك كارت خارجي .
عند الشراء يفضل الكارت الداخلي لان الخارجي لم يثبت جدارته حتي الان
كما يفضل الكارت ذي 4 شاشه .
سعر الكارت في السوق المصري حوالي يتراوح من 10 جنيه إلي 100 جنيه ويلاحظ هنا أن أي كارت فيهم يعمل معاك لان الاعتماد الكلي علي مهارة الفني وليس الكارت .

كي تحافظ علي الكارت :
احزر سقوطه .
ابعده عن الحراره المباشرة

أرجو أن أكون قد وفقت في الشرح وأن اكون قد أضفت معلومه جديده
نسألكم الدعاء
والله ولي التوفيق ..


الموضوع منقووووول للاهمية والامانة
من الرابط الاتى

http://www.mtccairo.com/forum/t339/



مع تحياتى لكم إدارة المنتدى
مهندس وليد نمرة

الرجوع الى أعلى الصفحة اذهب الى الأسفل
http://shababmenouf.ahlamontada.com
محمدخيرالله
مشرف الفرقة الثالثة تحكم
مشرف الفرقة الثالثة تحكم


عدد الرسائل : 33
تاريخ التسجيل : 15/10/2008

مُساهمةموضوع: رد: كيفية اختيار الأدوات والأجهزة الالكترونية وبالاسعار   الثلاثاء مارس 03, 2009 10:27 am

الله ينور عليك ياوليد بجد الموضوع رائع وننتظر منك المزيد :
مع تحيات الفرعون العاشق
farao
الرجوع الى أعلى الصفحة اذهب الى الأسفل
 
كيفية اختيار الأدوات والأجهزة الالكترونية وبالاسعار
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
shababmenouf :: منتدى جميع فرق الكليه :: الفرقه الثانيه :: الفصل الدراسي الثاني :: ورش الكترونية-
انتقل الى: