سيناريو اليوم الأول فى الكلية

المفروض نعمل إيه بالضبط فى اليوم الأول اللى هوه طبعا يوم السبت ان شاء الله . ونبدأ من البوابة الوقت المثالى اللى نكون واقفين فيه قدامها إيه هوه . دخلنا من البوابة إيه الخطوة اللى بعد كده لو انا فى المجموعة الأولى أو التانية نعمل ايه بالضبط ؟ . لو انا مجموعة فى المجموعة التالتة طبعا هيكون فيه دراسة فالخطوة الجاية اكيد هسأل عن المدرج 3 . دخلنا مدرج 3 و الحمد لله .دخل الدكتور اكيد هيقول كلام متوقع يمكن ترحيب بالطلاب و شوية كلام عن الهندسة الإلكترونية و شوية كمان عن المادة اللى هناخدها . خلصنا الساعة عشرة و ربع نبتدى نروح لمكان اجتماع اعضاء المنتدى . طبعا انا مش عارف بالضبط اللى هيحصل فى الإجتماع بس اكيد اتمنى انه يكون مفيد و مثير .نرجع تانى لمكان الدخول و نذهب الى المنزل . ده طبعا بالنسبة لطلاب السنة الإعدادى و ده اللى متوقع بالنسبة ليا فى اليوم ده. بس فاضل اعرف انا فى مجموعة إيه ازاى ؟ و لو انا مجموعة تانية او اولى اعمل إيه بعد ما ادخل من البوابة . فياريت اى بشمهندس فى المنتدى يقولنا السيناريو المثالى اللى الواحد ممكن ينفذه فى اليوم ده . او اى حد من طلاب السنة الإعدادى فى المنتدى يقولنا سيناريو كامل .