أخر أخبار موضوع تقسيم الدراسة تلات أيام

ايه الكلام ده بس
احنا مش عايزين كده ما تسيبونا براحتنا
احنا ناقصين زنقه اكتر من كده بجد حرام
خلوها كده محدش اشتكى

هما بيعملو كده ليه
يعنى هى دلوقتى كل يوم ومش ملاحقين نعمل اى حاجه

بس ممكن تبقى كويسه بس ازاى لا ربنا يسهلها ان شاء الله

هى ممكن تكون كويسه للى زى يعنى انا بسافر كل يوم وكده فلما ازنق تلات ايام يبقى احسن بس المشكله انى هتفعس مش هتزنق

وعلى راى دكتور اللغه لما قال محاور الجود التلاته الطالب التعيس والكليه التعيسه والمدرس الاتعس ههههه

والواحد كده بقى زملطحى هههه زى ما بيقول

ربنا يسهل ونشوف ايه اخر الاخبار

هى الكلية مش محتاجة التقسيم ده
لأن نسبة الطلبة فيها مش عالية اوى يعنى

ياريت بجد تبقى 3 ايام بس
لان الواحد مش عارف يذاكر ازاى .كل يوم كليه وكل يوم نرجع متأخر الواحد مش عارف يظبط الوقت خالص

ربنا يسهل ويخلوها يوم بس ينجزوا
انا والله انهارده مشيت من سكشن الرسم اتخنقت جداا روحت شايل العده ومروح حتى محضرتش االسكاشن اللى بعد الرسم ولا خت غياب ولا قدمت لوحه

ربنا يسهل ومنزهقش

ويارب الدكاتره والمعيدين اللى فى الكليه دى تقدر الطلبه احنا مش ....

والله الدكاتره ناس محترمه بس المعيدين شايفين نفسهم شويه

ان شاء الله الدنيا هتظبط وهتبقى تمام

اللهم قنى شر نفسى

بصراحه لو الموضوع ده بجد يبقى تماااااااام ومووووووووز
كل الطلبه هتحضر وهتلتزم الى هيفوتو يوم هيفوتو نص عمره تمام بس يا ريت يخلو البنات فتره اولى الصبح مثلا علشان المسافات البعيده

الناس الى بتقول ان الاعداد صغيره يا جماعه الفيروس لسه ما دخلش بجد لما الشتاء هيدخل هنعرف ايه الخطر لازم نتكتاف وتكون فيه رعايه وتوعيه للطلبه فى الشتاء لو واحد بس عطس فى المدرج بقيه الطلبه هتترعب اكيد لازم نبقى حريصييين

الفكرة حلوة خصوصا للشباب يس الموضوغ بالنسبة للبنات هيبقي صعب شوية

ياجماعه مشكلة الوقت دى عادى بس المهم انه يتغير والقطر موجود يعنى ف كل وقت المهم الجدول ينزل بقى علشان نظبط امورنا بدل ماحنا مش عارفين نزاكر خالص كده

يا سلاااااااااااااام...أنا كان نفسي فعلا في التقسيم ده بس لو كان أولي حد وتلات وخميس.....بس يلا مش مشكلة المهم إنه حصل

انا روحت للشئون وسئلتهم قالو انها هتتعلق الاسبوع الجاى وهيبدئؤ ينفذوها اول شهر 11
كان نفسى والله تتنفذ من االاسبوع الجاى كان الواحد يقدر يلم نفسه
يلا قدر الله وما شاء فعل
فربنا يسهل

ياااااااااااااااااااااه لسه ف اول 11
بس برده كويس قبل امتحانات الميد ترم

radwa كتب:

ياااااااااااااااااااااه لسه ف اول 11
بس برده كويس قبل امتحانات الميد ترم

ربنا يسترها
كل تاخيره وفيها خيره

والله يا جماعة انا شايف الموضوع ده حلو لية ؛علشان أنا بسافر كل يوم وبروح البيت انام وأصحة تاني يوم أسافر تاني ؛كدة الواحد يستريلحه يومين ويصحصح علشان يشوف المنهج ويبتدي يذاكر

ايوه فعلا الواحد مش عارف يزاكر خالص
لدرجة انى زهقت من الكليه ومن التعليم كمان
ربنا يسهل بقى والجدول ينزل

radwa كتب:

ايوه فعلا الواحد مش عارف يزاكر خالص
لدرجة انى زهقت من الكليه ومن التعليم كمان
ربنا يسهل بقى والجدول ينزل

والله انا فى الاول حبيت الكليه اوى
لانى كنت حاسس انى هعرف اعمل فيها حاجه

لكن بعد شويه الدا بدات تقلب

حتى انا قولتلكو انى سبت سكشن الرسم فى نصف الوقت ولا اخدت غيابى ولا قدمت لوحه ولا اى حاجه

حتى كان ورايا سكاشن كنسلتها وروحت عالبيت نمت لانى كانت دماغى هتنفجر
بجد زهقت من المعيدين والطريقه بتاعتهم دى

مفيش غير المهندسه اسماء اللى ادتنا اول معمل كمياء بجد بجد ربنا يزيدها علم
اقدر اقول عليها دكتوره

بس يلا الحمد لله

بس دلوقتى رجعت تانى والحمد لله ظبط نفسى لانى كنت هوصل لمرحله الياس والحاجات دى

لان طبعا الواحد كان فاكر ان هندسه دى هناخد حاجات عملى اكتر ووو والكلام ده كله

لكن لا حول ولا قوه الا بالله
نظام التعليم كله كده

وكل واحد هو اللى بيوصل نفسه لمرحله كويسه
لازم انت اللى تفهم لازم
لازم تعتمد على نفسك

فعلا يعنى دكتور الرسم قال كلمه حلوه

قال اعتبر نفسك فى بير غويط
قال فيه فرق بين اللى بيقول ااااااااااه وبيتواه يعنى بينطق
وفيه اللى بيطلب المساعده
وفيه اللى بيحاول يطلع من البير

يعنى فيه اللى واقف تحت وحاطط ايده جنبه وده اكيد هيموت
وفيه اللى بيمد ايده والناس بتحاول تطلعه
وهكذا

فعلا هندسه هى البير او الحياه هى البير او طريقك للفهم وللوصول للهدف او حالتك فى الكليه كده
بيرا وواقع فيه
والدكاتره هما الللى هيحاولو ينقلوك او ياخدو بايدك

يعنى الاعتماد الكلى مش عالدكتور

انسى انك هتفهم كل حاجه
انسى ان الدكتور ده هيوصلك ادام هو كويس

وافتكر ان فيه حاجه اسمها اجتهاد وتخطيط واعتماد عالنفس

وقبل ده كله ايمانك بربنا وتوفيق ربنا ليك

اعرف ايه اللى ليك واللى عليك

وشكرا

ويارب يوفقنا كلنا فى الكليه

ربنا يسهل
على الجميع
وبجد اللي هيخلي الواحد ييأس
هو عدم وجود الوقت
المحضرات يدوب بكتبها في المحاضره و بس
وطول النهار سفر
ويعني الواحد مش
عارف يرتب حياته
يذاكر ولا يرسم ولا ينام ولا مواصلات ولا
يعمل اييييييييييييييييييييييه



ربنا يعمل اللي فيه الخير

والله انا خلااااااااااص
ربنا يسترها ونعدى على خير
انا مروحتش اربع ايام ورا بعض كنت تعبان فيهم وكان فيه شويه ظروف كده
ومروحتش انهارده
فربنا يسترها
وخير ان شاء الله

الصبر الصبر

اللهم اعنا

محمد ربيع كتب:

أخر الأخبار يا جماعة من الدكتور أسامة زهران
الجدول هينزل الأسبوع ده ويبدأ العمل فيه من الأسبوع الجاي 7/11
والله أعلم

ربنا يسهل لان الجدول لو منزلش احنا اللى هننزل
ربنا يسهلها وينزلو الجدول ده
مش عار هما خايفين منه ولا ايه
الف شكر يابشمهندس محمد

أبو باشا كتب:

لو منزلش احنا اللى هننزلهههههههههههههههههههههههانا اول واحد نزلت فعلاًربتا بسهلها

احنا شكلنا هنطب هههههههه
احنا فى عصر السرعه والتكنولوبيا