مسقعة بالبشاميل

المقادير:
كيلو بدنجان اسود رومي او حوالي 2 كبار
زيت للتحمير
لحمة مفرومة معصجة بالصلصة
بشاميل
1 بيضة مضروبة بالشوكة للوجه
ملح وفلفل اسود
الطريقة:
قشري البدنجان وقطعيه دواير بالعرض بس حاولي يكونو مقاس بعض
حطي كمية البدنجان ع مصفاة وروشيه كله بالملح علشان ما يسودش
وعلشان يخرج مايته وميشربش زيت كتير اثناء القلي يعني حوالي 10 دقائق
سخني الزيت ف قلاية واقلي البدنجان من الناحيتين
وبعدين نحطه ف مصفاة علشان يصفي الزيت او نحطه علي ورق الامتصاص
جهزي صنية او طبق فرن ياريت بايركس ونرص فيه نص كمية البدنجان ثم طبقة من اللحمة ثم باقي كمية البدنجان
حطي طبقة البشاميل ع الوش وساويها وبعدين نحط البيضة ع وش الشاميل وممكن رشة جبنة اي نوع عندك
ندخلها الفرن تقريبا حوالي نص ساعة