ساعدوا طلبة اعدادى

هو الموضوع مش صعب وانا هطلب من واحده صحبتى من الموقع تفهمنا كلنا

السلام عليكم
احنا مش مشغولين بالكحك ولا حاجة بالعكس اللي شاغلنا طاعة ربنا
المهم
ياريت تحددوا الحاجات اللي عايزين تستفسروا عنها يعني قولولي محتاجين تعرفوا ايه بالظبط
وربنا يقدرني واقدر افيدكم وعايزين كل اللي ف المنتدي يشاركونا
وكل عام وانتم بخير

السلام عليكم ورحمة الله
انا عندى اشئلة كتير
ممكن تكون غبية شوية لطلبة الفرق بس اعزرونا احنا لسه جداد
اول حاجة احنا محتاجين رفع محاضرات مرتبة بترتيب المنهج
وواحد صاحبى قالى انى هحتاج اكتب ورا الدكتور فالمحاضرة السؤال اكتب ليه طالما انا معايه الكتاب اصلا؟
ايه الفرق بين المحاضرة والسكشن؟
هل فى امتحانات قبل الترم الاول
لسه فى تانى بس اهم حاجة موضوع اننا نلاقى محاضرات مرتبة وامتحانات سنوات سابقة
والله فى عون العبد مادام العبد فى عون اخيه
او كما قال رسلولنا صلى الله عليه واله وصحبه وسلم
جزى الله خيرا كل من يساهم فى هذا الموضوع

فى حاجة تانية كمان
احنا مش عارفين اى حاجة خالص اصلا
فأنتى قولى كل اللى تعرفيه
وايه خلاصة تجربتك فأعدادى

السلام عليكم
اولا الاسئلة مش غبية
انا عن نفسي اول ما دخلت الكلية بردو مكنتش عارفة اي شئ
ثانيا
الكتابة ورا الدكتور مهمة لانه ملخص بسيط بيسهل عليك تذاكر من الكتاب وكمان ممكن الدكتور يقول حاجة مش موجودة ف الكتاب ويجبها ف الامتحان علشان يعرف مين كان بيحضر محاضراته ومين محضرش
*الفرق بين المحاضرة والسكشن
المحاضرة بتكون ف مدرج واللي بيشرح هم دكاترة المادة اللي بيضعوا الامتحان وعدد طلبة المحاضرة بيكون كبير او بمعني اصح ان كل الدفعة بتتقسم ع 3 مجموعات المجموعة الواحدة او" المحاضرة" حوالي 10 سكاشن
**السكشن عبارة عن عدد صغير من الطلبة وعدد الطلبة ف السكشن الواحد ع ايامي كان فوق ال25طالب ومقسمين بالترتيب الابجدي وبتنزل قائمة باسماء الطلبة وكيفية توزعهم في السكاشن وكل سكشن وليه جدول خاص بيه وجدول السكاشن غالبا بينزل تاني اسبوع م الدراسة
السكشن بيكون ف فصول ومش ف المدرج واللي بيشرح ف السكشن بيكون معيد ودوره انه بيساعدك تحل مسائل او اسئلة كتطبيق وتدعيم لشرح الدكتور وممكن يحل معاك بعض الاسئلة ويسيبك تحل الباقي
*المسائل والاسئلة اسمها شيت بيكون موجود اما ف الكتاب او بتشتريه من المكتبة
*** امتحانات المد ترم او نصف الترم بتكون ف نص الفصل الدراسي الواحد وعليها اعمال سنة وبتكون ع جزء بيحدده الدكتور من المنهج وبتكون بسيطة بس متستهونش بيها
****موضوع المحاضرات اللي عايزنها تنزل ع المنتدي فدي تطلبوها من م/وليد نمرة
اخر حاجة هختم بيها
ان المسألة بسيطة وسهلة جدا خصوصا ف اول سنة واكيد لما تروحوا هتفهمو كل حاجة بس لازم الموضوع يتاخد جد من الاول والمذاكرة تكون اول باول ولازم انتظام ف حضور المحاضرات والسكاشن
وبردو اذا احتاجتم اي حاجة مهما كانت قولولنا وان شاء الله هتلاقوا الاجابة اللي تفيدكم

شكرا جزيلا بس اوصل للمهندس وليد نمرة ازاى

متشكره جدا يا بشمهندسه ايه على المعلومات الجامده دى وربنا يخليكى لينا وتفيدينا على طول

بشمهندس وليد هو مدير المنتدي ورقمه وايميله موجودين ف موضوع هام جدا لكل طلبة الفرقة الاعدادي الجدد ف قسم معلومات هامة عن الكلية

جزاك الله خير يابشمهندسه ايه

اهلا بيك يا بشمهندس محمد
لو احتجت اي معلومة كل اللي في المنتدي هيساعدوك ان شاء الله
ومنتظرين مشاركتك

eng_aya كتب:

اهلا بيك يا بشمهندس محمد
لو احتجت اي معلومة كل اللي في المنتدي هيساعدوك ان شاء الله
ومنتظرين مشاركتك

اهلا بحضرتك يابشمهندسه أيه وان شاء الله الاقى كل اللى بستفسر عليه
وانتو اهل لذالك

يعنى معلش انا تقلت عليكو
بس عاوز اعرف ايه نظام السكن فين وهل انا ليا سكن ولا لا

انا ان شاء الله هنزل يوم السبت هشوف ايه الاخبار
وربنا يوفقنا كلنا

وفيه كمان سوال

هو قسم اتصالات لواحده
والكترونيات لواحده
جزاكم الله خيرا

والله يا بشمهندس بالنسبة للسكن انا مش عارفة ايه النظام وان شاء الله حد غيري يفيدك
بالنسبة للاقسام انت هتتخصص في رابع سنة ليك ف الكلية وانت عارف ان الكلية 5 سنين اول سنة اسمها اعدادي وبعدين فرقة اولي وتانية وهكذا لغاية فرقة رابعة يعني انت هتتخصص وانت داخل فرقة تالتة
وموجود 3 اقسام للتخصص
تحكم
واتصالات
وحاسبات
ودخولك القسم بيكون حسب التقدير
واي سؤال احنا ف الخدمة

eng_aya كتب:

والله يا بشمهندس بالنسبة للسكن انا مش عارفة ايه النظام وان شاء الله حد غيري يفيدك
بالنسبة للاقسام انت هتتخصص في رابع سنة ليك ف الكلية وانت عارف ان الكلية 5 سنين اول سنة اسمها اعدادي وبعدين فرقة اولي وتانية وهكذا لغاية فرقة رابعة يعني انت هتتخصص وانت داخل فرقة تالتة
وموجود 3 اقسام للتخصص
تحكم
واتصالات
وحاسبات
ودخولك القسم بيكون حسب التقدير
واي سؤال احنا ف الخدمة

ربنا يخليكى يابشهمندسه
والعفو احنا اللى فى الخدمه

وشكرا على معلوماتك المفيده دائما

السلام عليكم ورحمة الله
السكن ان شاء الله هيكون فالمدينة الجامعية ده لو كنت قدمت فيها

Ahmad showman كتب:

السلام عليكم ورحمة الله
السكن ان شاء الله هيكون فالمدينة الجامعية ده لو كنت قدمت فيها

انا لسه مروحتش الكليه خالص

هو ايه نظام التقديم فى المدينه الجامعيه

انت لسه مقدمتش ولا ايه

اعتقد انك مش هتلاقى تقديم فالمدينة دلوقتى
عموما انا هقولك تقدم ازاى
بعد متقدم فالكلية فشئون الطلبة فالدور التانى
هتروح المدينة اللى موجودة خلف الكلية
وتشترى مظروف تقديم دلوقتى هتلاقيه بحوالى 120 اذا كان معاد التقديم لسه منتهاش
وفى حاجة هتحتاجها فتقديم المدينة انك لازم يكون معاك فاتورة كهربا او تليفون ارضى او ماء و3 صور وصورة بطاقة والدك

ايوه لسه اصل انا خريج معهد فنى صناعى سنتين

ولسه النتيجه بقالها اسبوع بس

ربنا يوفقك بس الحق روح بسرعة
لانى كنت شايف على المدينة ان اخر معاد للتقديم فيها يوم 3/9