صينية الكوسة بالبشاميل

المقادير:
1 كيلو كوسة
*لحمة مفرومة معصجة
*زيت لتشويح الكوسة
*2 بيضة مضروبة بالشوكة
*ملح وفلفل
*بشاميل
الطريقة:
اولا طريقة البشاميل:
تحمر 2 معلقة كبيرة دقيق ف 2 معلقة كبيرة زيت دون ان يتغير لونه وبعدين نضع الحليب شوية شوية حوالي 2 كوب او الي ان تصلي للسمك المطلوب ويكون حليب دافي
ونقلب بسرعة بسرعة علشان ما يكلكعش
اضع ملح وفلفل وبيضة مضروبة
ثانيا عمل صينية الكوسة بالبشاميل:
نغسل الكوسة وتنجر بالسكينة المشرشرة وتقطع شرائح طويلة وبعدين تتقلي ف الزيت قلي خفيف
ونحطها في مصفة للتخلص من الزيت او علي الورق الماص للدهون
ويمكن سلق شرائح الكوسة ف قليل من الماء والملح وبعدين تنشليها
ندهن الصينية بحوالي معلقة بشاميل ونوزعها كويس وبعدين نرص طبقة من الكوسة نغطي بيها القاع_ تقريبا نص كمية الكوسة
ثم طبقة اللحمة المفرومة"العصاج"
ثم طبقة تانية من الكوسة
تصب طبقة بشاميل علي وش الصينية بحيث نغطي الكوسة
ثم نضع بيضة مخفوقة ع الوجه
وندخلها الفرن متوسط الحرارة لحد وشها ما يحمر

يابشمهندس وليد شكلك ناوي تنافسني وتقطع اكل عيشي
طريقتك اجمل من طريقتي وكمان بالصور
لكن عمري ما هستسلم وانتظروا الجديد