البنت العصريه في الصوره الاسلاميه

الاصل طبعا مش الرجل او المراه عشان منظلمش حد ولو اننا لينا الحق اننا نكلف اى واحد ماشى غلط منهم العبء ده
لكن فعلا اصل الموضوع هو فكر الانسان نفسه سواء رجل او امره وهو انا بعمل كده ليه

يعنى انا مثلا ملبسى ولا بنطلون ساقط ولا سلسله ولا حزازه ليه
وبردو نقول اللى بيلبس كده بيلبس كده ليه

كل واحد ليه هدف من لبسه فان كان هو هدفه عشان البنات وكده او هو مثلا نشىء على كده او الظروف خليته يعمل كده كاصحاب سوء مثلا

فايه الحل

اعتقد اننا عاوزين توجيه من تانى بمعنى نحدد الهدف من كل حاجه بنعملها
نعرف هدفنا الاكبر ان احنا عايشين ليه ونهايتنا ايه وهل ده متوافق مع اخرتنا اللى المفروض اننا بنستعدلها قبل الدنيا

ولو حطينا العبء عالبنات ففعلا اعتقد هما لو التزمو حتى ولو بلبس محترم مش هقول نقاب ولا كده لكن لبس ميلفتش النظر لدرجه

فاعتقد ان البنت المحجبه او المنقبه محدش بيبصلها نظره وحشه
هتقولى فيه محجبات لابسين معرفش ايه هقولك لا المحجبات بجد اللى الحجاب عندهم روح وعباده وبيبان عليهم يعنى

وطبعا احنا بردو لو نفضنا للبنات اللى هى ايشى ايشى اكيد هما هيقعدو فى البيت جنب الحلل ويبطلو اللى هما عاملينه ده
يعنى انا لما عينى ابص على وحده كده اقول ايه ده هى عامله فى نفسها كده ليه اقول اللى هيجوزها هيعلقها عالحيطه كاى صوره اصلها عامله زى العروسه البلاستيك بتاعه الايام دى مش بتاعه زمان بتاعه زمان كانت لابسه فستان ام دلوقتى بقى يلبسوها نص بنطلون

المهم

الحل بجد اننا نرجع لدينا من الاخر والدين ده مش حاجه خياليه بالعكس ده دين مثالى واقعى

وكلمه اقولها للبنات

الورد يذبل حين يكثر لمسه وتبقى الالى والجواهر كما هى

فانتى ورده لما تكلمى مع ده وده يلمسك وهكذا بجد هتدبلى
فخليكى جوهره مصونه

انا عاوزك تتخيل وانتى ماشى فى الشارع كده ان الناس كلها حوليك مبتشوف بجد وشوف هتبقى انت عامل ازاى
هل هتسقط البنطلون هل هتلبس سلسله هل هتبقى ماشى خايف من حد ليقول عليك شكلك وحش ما هو محدش شايفك ياترى هتظبط المسائل عشان البنات تبصلك وكده ولا ايه

بجد ده مبدا كويس ففعلا الواحد بيلبس لبس محترم ونضيف ويطلع اما بقى الناس عايزه ايه وتحب ايه فانا ماليش دعوه
ادام اللى بعمله ده صح يبقى خلاص اتوكل على الله




ومستنى ردودكم

جزاكى الله خيرا على الموضوع الرائع ده وياريت تكملى
الصراحه كل الكلام الى اتقال صح ميه الميه يعنى انا مثلا ببقى ماشيه ف الشارع ومتأكده ان محدش ممكن يعلق على اى حاجه انا لبساها لانى مسلمه وعارفه يعنى ايه الاسلام الاسلام يعنى التزام واخلاق مش بنطلون وبدى وسلسله
بس ارجع واقول الى ف منوف ده مش حاجه اصلا قصاد الى ف الجامعات التانيه والحمدلله انى فيها
بس الواحد ميحطش ف دماغه بجد لو حطينا ف دماغنا المزاكره هيبقى احسن لاننا عمرنا ماهنصلح الكون كله يعنى احنا بنبقى زعلانين ومضيقين علشانهم وهما عايشين حياتهم زى ماهما عايزين مريحين دماغهم على الاخر فخلاص الواحد بقى يطنش الى يشوفه ودى احسن طريقه للتعامل معاهم

حكم النقاب لفضيه الشيخ محمد حسان

انا الحلقه دى الحمد لله سمعتها مباشر وكانت جميله وهتشوف كل الاراء

وياريت الكل يسمعها لانها مفيده جداا

انا اسف دى مش الحلقه ده مقطع من زمان

بس ده جميل بس مختصر

اما الحلقه التانيه فهى على قناه الرحمه
وكانت ممتعه جداا

هاجبهالكو بردو

http://www.way2allah.com/modules.php?name=Khotab&op=Detailes&khid=16320#UP

ده الرابط

لو عاوز تسمعا من عالنت اوكيه
لو عاوز تحملها اوكيه وعندك رابط صوت وفيديو بكذا جوده

بجد حلقه ممتعه

وفيها كل حاجه
وبدون ما غلط فى اى حد ولا اى حاجه
بجد ادب ادب

لو عاوز تمعها بردو خليك عالانترنت اكسبلور افضل وتكون مسطب مديا 11

عشان تشتغل

لو فيه اى مشكله ياريت تقولولى

ثانكس على التووبك