صدمات البداية توبة الفنانة المعتزلة حلا شيحا

مشرف عدد الرسائل : 350 تاريخ التسجيل : 18/09/2009

[b][b][b][size=12][size=12]

[size=12]

يالؤلؤاً قد صان عفتها الخمار
بين السفور و بينكِ حُجُب الفَخار
يا لؤلؤة زاد العفاف بريقها
وهدي الكتاب يُظلها ظِل المحار
من كان مثلك لا يُعاب حيائُها
وهل الشموس تُعاب في وضح النهار

بكيت ذليلـةً فـي عقـر داري ** فمن لي بعد أن يُرمى نقابي

أيا أماه من لي بيـن قومـي ** وقد خلعوا بأيديهـم نقابي

فـيــا لـلـعـار ذلٌ أي ذلٍ ** تداس كرامتي تحـت التـراب

فإن القوم ما عادوا رجـال ** كأني تحـت أقـدام الذئـابِ

صدمات البداية توبة الفنانة المعتزلة حلا شيحا 10589

صدمات البداية توبة الفنانة المعتزلة حلا شيحا Hejabi2bv5

حلقه توبه الفنانه حلا شيحا كامله
ودى بعض المقاطع من الحلقه
1

2

.....

ودى الحلقه كامله

صدمات البداية توبة الفنانة المعتزلة حلا شيحا Db1

[size=16]يا درة حفظت بالأمس غالية واليوم يبغونها للهو واللعب
يا حرة قد ارادوا جعلها امة غربية العقل، لكن اسمها عربي
هل يستوي من رسول الله قائده دوما، وآخر هاديه ابولهب؟
وأين من كانت الزهراء اسوتها ممن تقفت خطى حمالة الحطب
اختاه لست ببنت لا جذور لها ولست مقطوعة مجهولة النسب
انت ابنة العرب والاسلام عشت به في حضن أطهر ام من أعز أب
فلا تبالي بما يلقون من شبه وعندك العقل ان تدعيه يستجب
سليه: من أنا؟ ما أهلي؟ لمن نسبي؟ للغرب أم أنا للاسلام والعرب؟
لمن ولائي؟ لمن حبي؟ لمن عملي؟ لله ام لدعاة الاثم والكذب؟

[/center]

مشرف عدد الرسائل : 209 تاريخ التسجيل : 23/07/2009

سبحان الله سبحان الله
بجد المواضيع دى جايه ف وقتها بالظبط
جزاك الله خيرا

مشرف عدد الرسائل : 350 تاريخ التسجيل : 18/09/2009

radwa كتب:: سبحان الله سبحان الله
بجد المواضيع دى جايه ف وقتها بالظبط
جزاك الله خيرا

جزانا واياكم الجنه
انا بصراحه عجبتنى الحلقه جداا وكل الكلام والمعانى اللى فيها عن الحجاب او النقاب والعوده لربنا حاجه جميله
انا كنت هنزل كذا حلقه لحكم النقاب بس قولت
اجيبلكو الحلقه دى
ويارب تعجبكم وتستفادو منها
وجزا الشيخ هانى حلمى كل خير

وربنا يعينا جميعا
ويثبتنا على الحق وعلى الطريق المستقيم

مشرف عدد الرسائل : 209 تاريخ التسجيل : 23/07/2009

علفكره والله انا عارفه كل حاجه عن النقاب لانى بحثت ودورت كتير ومعنديش اى مشكله ف حكاية النقاب وان شاء الله قريب جدا بس ربنا يسهل ومجهودكو معانا

مشرف عدد الرسائل : 350 تاريخ التسجيل : 18/09/2009

radwa كتب:

علفكره والله انا عارفه كل حاجه عن النقاب لانى بحثت ودورت كتير ومعنديش اى مشكله ف حكاية النقاب وان شاء الله قريب جدا بس ربنا يسهل ومجهودكو معانا

ان شاء الله ربنا يسهلها عليكى
المهم انك تنوى بجد ان ده حب فى ربنا ومالكيش دعوه بحد

يعنى سبحان الله انا كنت لسه فى صلاه الجمعه وكان فى صلاه جنازه بعد الصلاه وحضرت الجنازه دى ومشيت وراها
والله فكرت فعلا ان الواحد هيجى مره وهيبقى فى الموقف ده

ففكرت كده وقولت الواحد لازم يعيشها صح لازم اعيش دينى صح لازم اتعلم صح لازم كل حاجه فى حياتى كلها اعملها صح

وبجد محدش هينفعنى بعد كده
والله الراجل قال كلام واحنا عند القبر والله رعبنى

فقولت لنفسى مينفعشى الواحد يعيش كده وخلاص لازم كل حاجه تكون بحساب ومينفعش اتقدم خطوه لربنا وارجعها تانى مينفعش

فان شاء ربنا يسهلهها عليكى وبمجهودك انتى
انتى بس انوى وتوكلى على الله
وخدى الامور براحه وبكل سهوله
وربنا يوفقك ان شاء الله

ولو عاوزه اى حاجه مننا احنا تحت امرك

وانا هكتبلك موضوع جميل جدا لاخت بتقول انا ليه منقبه
وربنا يتقبل منا جميعا

مشرف عدد الرسائل : 350 تاريخ التسجيل : 18/09/2009

" أنا منتقبة ليه ؟ "

أنا منتقبة - بعد إيماني بأمر ربنا إن الحجاب فرض على كل مسلمة بقول اغلب علمائنا وشيوخنا الافاضل
كلهم بلا استثناء قالوا
ان النقاب فرض
واجمعوا عليه انه فرض
يا بنتي فرض
انتي بتئاوحي نفسك ليــــــه ؟؟؟
دا حتي انتي مقتنعة انه فرض بس بتخبي ومش عايزة تعترفي
عشان محدش يمسكها عليكي
.

طيب اقلك دا حتي عجينة الفطير
والكحك
تشهد انه فرض

عجينة فطير !!!!!

فطير ايه وكحك ايه دا ؟؟؟؟ !!!

هقولك اهو ..

دلوقتي احنا لما بنعمل عجينة فطير او كحك او قراقيش مش
بتحتاج لحاجة اساسية جدااااااا الـ هي :

(( الخميرة ))

عارفاها طبعا
طيب كلمة خميرة دي مفكرتكيش بكلمة ( الخمار ) اللي
هو اللبس الشرعي اللي الكل متفق انه فرض بعيد عن النقاب
صح ؟؟

يبقي احنا كدة متفقين ع حاجتين :

** ان الخميرة اساسية جدااااا للعجينة .
** ان الخمار فرض علي كل مسلمة .

ماشي

طيب احنا لما بنحط الخميرة علي العجينة بنحطها ع جزء منها
بس يعني بنحط ع مكان ونسيب مكان تاني من غير خميرة !!
ولا لاااااازم نحط علي العجينة كلها خميرة والا هتبوظ طبعا

طيب يا ست الكل

اهي الخميرة دي هي الخمار

اذا : الخمار لازم يغطي كل جسمك بوشك وايديكي
ولا ايه !!

اذا لو انتي زعلانة من كلمة ان النقاب فرض
سميه الخمار يا سيتي لانهم هم الاتنين واحد

اذا النقاب = الخمار
والاتنين باذن الله فرض
وهو المطلوب اثباته ##
.
.
.
.
.

اسفة جدا للاطالة ودوشة الكحك والقراقيش اللي فاتت دي
اصل احنا لسة عاملين قراقيش من يومين وكسرتلي ظهري
فانا متأثرة شوية معلش .

طيب الحمد لله وعرفنا ان النقاب فرض
بس في اسباب تانية

اليكي هذه الاسباب :

1 - علشان انا حرة … مش من حق حد يشوف مني اللي
مش عاوزاه يشوفه إلا بإرادتي … ومن حقي اختار مين اللي يشوف
مني أجمل ما عندي .. واللي علشان يشوف ده ويبقى حقه وحلاله
عن طيب خاطر.. لازم هو كمان يديني مشاعره واللي باقي من عمره
عن طيب خاطر…

2 - علشان أنا غالية ..
مينفعش أقلل من قيمة نفسي واخليها عرضة لكل العيون .. ويبقى خروجي مكشوفة
ضوء أخضر لكل من هب ودب يسرق مني ولو نظرة لأي جزء مش متغطي مني .. حتى لو
مكنش ده قصدي … بس مش حقدر امنعه … (كامل اعتذاري لغير المحجبات..
ولكن ده اللي حيوصل منك لضعيفي النفوس حتى لو مكنش ده قصدك.. وده اللي علشانه ربنا
فرض الحجاب . علشان ميطمعش الذي في قلبه مرض) … مع الأخذ في
الاعتبار انه “كل من هب ودب ده” مش بس الشباب اللي بيعاكس البنات في الشارع .. ده يتضمن حتي الزبال اللي بيسوق عربية الزبالة في الشارع .. كل
دول بقى من الممكن انهم يبصوا لي … لأ ده كمان يمكن ماعجبهمش ويدوروا وشهم إعراضاً

3 - علشان أنا باحترم نفسي ..
وشايفة نفسي كبيرة قدام نفسي .. ومينفعش أنزل سوق المنافسة في الأنوثة
علشان أفوز في الآخر بنظرة شهوانية أو كلمة غزل رخيصة أو عرض صحوبية…

4 - علشان انا جمالي مش خارجي
وبس.. ومن حقي ان اللي ييجي يتجوزني .. واللي حاديله الباقي من عمري
.. واللي حديله كل مشاعري .. واللي حاقاسمه أحلامي وأفكاري .. واللي حخلف منه ولادي
.. وحاربيهم معاه .. مايختارنيش على مقاييس شكلية وبس .. أو تبقى
هي دي العامل الأساسي في أختياره ليا … علشان كدة مش ضروري يشوفني في كامل
زينتي وجمالي قبل ما يتجوزني . . الأهم انه يحب روحي ويعجب بشخصيتي ..
ويرتاح معايا نفسياً.. (أصل في بنات بتأجل الحجاب لحد ما تتجوز.. على
أساسا انها تكون شنكلت واحد وضمنته.. مع إن مفيش حاجة مضمونة في الزمن ده ..
واللي اختارها علشان جمالها .. ممكن قوي يتجوز عليها واحدة أجمل منها..
لأنه أكيد في الأجمل منها يعني)..

5 - علشان أنا باخاف على
أخويا في الله اللي بيشوفني في الشغل أو في الكلية أو في المواصلات أو
في الشارع .. ويمكن يكون عاوز يقرب من ربنا .. وبيجاهد نفسه علشان يغض
بصره.. فمرضاش لنفسي اني اكون سبب في اني افتنه..

6 - علشان أنا باشيل هم أخويا
في الله اللي نفسه يتجوز ومش قادر لضعف إمكانياته المادية .. فمش ضروري يعني ازود
عليه همومه… وأخيله في الرايحة والجاية ..

7 - ده غير حاجة مهمة كمان …
الكفن بتاع النساء.. فيه حجاب.. فاللي مش حتلبسه وهي حية بإرادتها طاعة
الله.. حتلبسه كدة كدة وهي رايحة قبرها.. وطالما ربنا بيقول اننا نتستر حتى
واحنا رايحين قبورنا وخلاص انتهى التكليف … ومحدش حيشوفنا تاني ولا حد
حيطمع فينا .. يبقى مفيش معنى اننا نمشي مكشوفين لكل العيون واحنا أحياء
نرزق.. يبقى الأولى اطيع ربنا بإرادتي وأقابله وهو راضي عني واخد أجري
كامل.. ولاّ اني ملبسوش غير وانا جثة واقابل ربنا وهو غضبان عليا؟

والأسباب اللي فوق دي .. هي اللي فهمتني ليه ربنا فرض
علينا الحجاب.. مش تعسير ولا تضييق .. الحجاب فعلا عزة وكرامة..
ميعرفهاش غير اللي داق طعم الستر..
ربنا يهدينا ويهدي بنات المسلمين

اللهم امين

مشرف عدد الرسائل : 209 تاريخ التسجيل : 23/07/2009

جزاك الله خيرا ومتشكرين على اهتمامك ببنات المسلمين
وربنا يهدينا جميعا والصراحه حكاية النقاب دى شغلانى جدا جدا وخلاص كنت هلبسه امبارح بجد بس والدى مرضيش وأجل الموضوع شويه بس النقاب هيتلبس هيتلبس دلوقتى بعد سنه اتنين والله ليتلبس بس ربنا يسهل والموضوع يكمل على خير بأذن الله

واسفه على التأخير بس والله ظروف

مشرف عدد الرسائل : 350 تاريخ التسجيل : 18/09/2009

radwa كتب:: جزاك الله خيرا ومتشكرين على اهتمامك ببنات المسلمين
وربنا يهدينا جميعا والصراحه حكاية النقاب دى شغلانى جدا جدا وخلاص كنت هلبسه امبارح بجد بس والدى مرضيش وأجل الموضوع شويه بس النقاب هيتلبس هيتلبس دلوقتى بعد سنه اتنين والله ليتلبس بس ربنا يسهل والموضوع يكمل على خير بأذن الله

واسفه على التأخير بس والله ظروف

ربنا يسهلها علينا جميعا
لازم واكيد الواحد هيقابل شويه صعوبات ومطبات فى الاول
ولو عديتى المطبات دى اكيد ان شاء الله مش هترجعى بالعكس انتى هتثبتى عالطريق

وادام نويتى وحصل ظروف يبقى عملتى اللى عليكى
وربنا بقى هو اللى هيوفق ان شاء الله

ربنا يثبتنا جميعا