الحب الحقيقى

مشرف عدد الرسائل : 350 تاريخ التسجيل : 18/09/2009

بسم الله الرحمن الرحيم

الحب الحقيقى 32667_wallpaper280

الحــــــــــــــــب

من منا ينكر وجوده؟؟

ومن منا لا يعرفه؟؟

كلمه من حرفان..قصيره

لكنها تحتاج وقفه...طويله

فى الجزءالاول تحدثنا..ولكن كلامنا كان لمن لم يبحر فى بحر الحب...

وكان
القصد أن ينجو...ويعود سريعا لشاطىء الامان...ويقف لينتظر...ويترقب لحظة
الشروق الحقيقيه فى حياته...وهنيئا له بهذا الفجر الجديد

لأنه سيكون الاول فى حياته

وهذه المره الحديث من نوع آخر

ولنوع آخر...وأخص منه النوع((المـــــــلتزم))...فتاة محجبه...تحافظ على صلاتها...وتحب الله

وشاب حيى خلوق.... يحب الله...ويتبع الرسول صلى الله عليه و سلم

والذى وجد نفسه فجأه...فى وسط البحر...لا يستطيع أن يعود للشاطىء الذى قفز من فوق صخوره فى بحر الحب....

ولا زالت الجزيرة التى يتمنى أن يصل اليها بعيده....ولابد أن يتحمل...ويقاوم التيار....ويصارع الامواج....حتى لا يغرق...

وحتى يصل الى هدفه...

جزيرة هادئه...يجتمع فيها مع من يحب....ويقف بأقدامه على أرض صلبه

لا تهتز...لأنهامبنية على حق...وصواب...وتقوى الله

فهيا معى...لنستكشف معا

الطريق النظيف الى جزيرة الحب

الطريق الى جزيرة الحب

الحب الحقيقى 44192_wallpaper280

أيها القلب الطيب
فجأه...وجدت نفسك...أو وجدت أنت نفسك ياأختى...تحبين
انه يتحرك بداخلك...دون ارادتك
قذفه الله فى قلبك...عندما رأيتها بعينك
لم يكن لك دخل...ولا تستطيع تغيير أى شىء
الان تعرف عنها الكثير...وربما تحدثت معها قليلا
تغض بصرك.رغم بصمات النظرة الاولى.....أعلم....أعلم
يؤنبك ضميرك.....أيضاأعلم
تخاف عليها...أعرف...أعرف
تغار عليها....طبيعى...وفطرى...
يعتصر قلبك ...وتختنق نبضاته...ان لم تتواجد فى مكان قريب...مجرد ((حضور))...وليس طلبا للكلام معها...أو لمس حتى يدها...أعرف..أعرف
تخشى أن لا تستطيع بناء السلم الذى ستصعد عليه لتطلب يدها.وتنثر الورد تحت أقدامها...وأنت واثق من نفسك..
تحلم...وتتتمنى..وتجدها دائما...أميرة تتمثل فيهاكل المزايا
وليس بيديك أن تمنع .أطياف حلمك
بل تخاف أن يصل اليها من تحاول ان تسبقه من القلوب الاخرى التى أيضا أحبتها
خوفك فى محله....وهى تستحق..
أتدرى لماذا؟؟
لأنك أيها القلب...تؤنب نفسك...وتلومها على مشاعرها التى لم يكن لك دخل فيها...فقط...لأنك تخاف أن تغضب الله...لهذاأنت تتألم
نعم
أنت صاحب نفس لوامه
ولأن حب الله تعالى...هو عندك..الاول

سؤال مهم

الحب الحقيقى 31848_wallpaper280

هل الحب شىء ملوث؟؟

وهل هو شىء نخجل منه؟؟

وهل الحب مسئول عن أخطاء العصاه؟؟

وهل هو الذى يمسك يد الشاب...ويضعها على يدالفتاة..وهى لا تحل له!!!

وهل هو الذى يحرك أقدام الفتاة...ويأخذها الى الركن البعيد الهادىء لتلتقى بالمحبوب!!!!

هل هو الذى يحرك البصر. هنا و هناك!!

لا
لا

الحب برىء من كل هذا...

انماالخطأ...ممن يخطئون...عندما يسلمون جوارحهم للعدو ((ابليس)) الذى يتربص

وينتظر..وينظر طويلا

ويخطط...

ويهدأ حتى تتألم.....ثم ينتفض فى داخلك كالافعى....فترتفع النفس المطمئنه...وتحل الامارةبالسوء مكانها...فتقع الذنوب

يا للخساره

حاول أن تنقذ نفسك....وتنقذها معك..هيا شمر...هيااقفزى...من حقل مملوء بدماء سالت

حين ذبح المغفلون الفضيلةوالعفاف..وقتلواالحياء

تحت مسمى الحب

من أنت؟؟

الحب الحقيقى 42865_wallpaper280

أى الطرفين أنت؟؟

هل أنت ..هو؟؟

أم أنت هى؟؟

أم أنتما اثنان معا

هل هو حب من طرف واحد؟؟؟؟؟؟

أم طرفان متفقان؟؟؟؟؟

الامر يختلف...

ولنبدأ بأسهلها....

طرفان ملتزمان..وبدأت شرارة الحب...قتقدم الطرف الذى طبيعى أن يتقدم...((هو))وأخبرها...فوافقت...ورحبت

الان...ما العمل!!

لا زلت فى وسط البحر...و((هى)) تقف على أرض الجزيره

لا تنظر الا الى المكان الذى تسبح أنت فيه...وتشير اليك أنها تنتظر وصولك

هيا..هيا....من هنا....قاوم التيار...

اسبح اسبح

احذر...هذه موجة الغرام...ابتعد عنها الان

.وتلك دوامة العشق

ابتعد عن الحوت.....حوت الغفله.....ابتعد بسرعه

اغطس فى أعماق ذكر الله حتى تهدأ موجة المشاعر التى تتحرك فى صدرك

لا...لا...لا تستسلم للقراصنه...واطمئن...الله فى عونك

خذ تلك الخشبه...انها تطفوا فوق سطح الماء...

تعلق بها الان...خذ نفسا عميقا..وحاول أن تفكر...لأنك لم تخطط لرحلتك و أنت على الشاطىء....

الان...فكربسرعه...ماهو رأس مالك؟؟

ماالمطلوب منك؟؟

ماهو مستوى قدراتك؟؟

وهل بالقياس تستطيع أن تسبح الى هناك؟

دع أفكارك تمرامام عينيك..وصارح نفسك

ربما تتعذب....لكنك ستحظى ببعض الجديه...التى ستقربك من هدفك

وأنت محظوظ لو وجدت

طــــــــــــــوق النجـــاه

طوق النجاه!

الحب الحقيقى 24543_wallpaper280

ماهو؟؟؟؟؟؟؟؟؟؟؟؟؟؟

انهاالتضحيه..والالتزام بالعهد ان وجد.....والتمسك بالنصف الاخر...والصبر...حتى يستطيع أن يكون فى حالةتسمح بالارتباط

دون أن تغضبا الله....وعندما يتوقف كلاكما عند حدود الله

طلبا لرضاه..وربما تجازف..وتظن هى أنك لا تراها و لا تلتفت اليها

رغم
أنك فى الحقيقه...ترى الله بقلبك...قبل أن ترى وجهها..وعيناها.. فتلجم
جوارحك...وتسيطر عليها بتقوى الله...رغم أن قلبك لا يزال ينبض...ويردد
اسمها

أم البنين.....انت تقولين كلاما غيرمعقول.........

ربما يطول الانتظار

فما العمل؟؟معقوله سنصبر كل هذه المده!!

ولا نرى بعضناالبعض!!

ولا نتحدث بالهاتف!!

ولانلتقى بالحديقه!!

ولاأعرف أخبارها!!

ولاأعرف حاله!!

وماذا لوتقدم لها عريس جاهز...ولقطه...ماذا ستفعل هى...وماذا سأفعل أنا؟

طب هل من الممكن أن نتقابل ..بلا أخطاء...وبلا ذنوب...فكلانا ملتزمان...ونتقى الله...

.أو يكون بيننا همزة وصل

حدوته لطيفه

الحب الحقيقى 11423_wallpaper280

كان يا مكان...فى قديم الزمان

وما يحلى الكلام الا بذكرالنبى...عليه الصلاةو السلام

كان فيه شاب طيب..اسمه لطيف...وكان بيدرس فى كليه لطيفه

وكان متدين...وملتزم..وأخلاقه لطيفه.....بيصلى...ومحافظ على ورده اليومى...وكمان بيغض بصره

مره و هو فى المدرج...شاف لطيفه..لابسه الحجاب بطريقه لطيفه .وأخلاقها اسلاميه...ولطيفه.ومن أول نظره...حصلت له حاجات لطيفه...

عرفها من خلال تعاملاتها مع الجميع ككل...ولمح مفاتيح شخصيتها....من غير ما يقفواتحت شجرة الجميز

وقلبه بقى فى حاله لطيفه...وبيدق دقات لطيفه.وفكر فى الارتباط بلطيفه...

ولأنه مستقيم...ومؤدب...وبيتقى الله فى أفعاله...قرر ما يغلطش

عمل ايه

فى
يوم لطيف...كلم لطيفه...وهى كمان عرفت عنه حاجات لطيفه...وسمعته وهو بيقرأ
القرآن فى المدرج ....بطريقه لطيفه..ولأنه كان بيكلمها و هو بيغض
بصره...بصوره لطيفه...اقتنعت بيه...وكانت حاجه لطيفه

اتفقوا ما يتقابلوش...ومايتكلموش...وما يتناقشوش...ومايتخانقوش

وما يغلطوش...ومايتعفرتوش

وكل شهر...يشترى كتيب دينى...وهى تشترى شريط دينى...ويقول لها السلام عليكم...وهى ترد وعليكم السلام...ويتبادلوا الهدايا

من غير كلام...ولا هيام...ولا استسلام للشيطان

وتكون دى علامةتجديد العهد....

وبعد ما اتخرجوا...كانت أخت لطيف...بتسأل عن لطيفه....و بتزورها فى أوقات لطيفه

ومرت الايام...بصوره لطيفه...وكانوا طبعا قلقانين...وخايفين..

بس لأنهم اتقوا الله...وتواصلوا بصوره لطيفه...ربناوفقهم....وأخيرا لطيف خطب لطيفه

وكانت حفله لطيفه..وبعدها اتجوزوا...وخلفوا ولد لطيف...وبنت لطيفه..

عقبالكم كلكم

لما تعيشوا لحظات لطيفه

ظلمات...فى شارع الحب

الحب الحقيقى 11001_wallpaper280

خطأ

أنا تقابلينه...وتخرجين معه...هنا...وهناك و تضعى نفسك فى تلك الشبهه...التى ستلتصق بك طوال حياتك

وستصبح علامه مميزه...ان سألك عنك أى شخص

خطأ

ألا تخاف على سمعتها...يا أخى....

ألست تحبها!!وتحب الهواءالذى تتنفسه!!!!!!!

لماذااذن تعرضها للتلوث!!

نعم تلوث السمعه....

خطأ
أن تكتبى له رساله بخطك....وتسمحى لقلمك أن يعبر عن أحاسيس ليس من حقه أن يستشعر ميلادها عندك

خطأ

أن تتحدثابالساعات فى الهاتف
وكلاكما مشتاق الى الاخر

وكلاكما متأكد أنه يحب الاخر

وكلاكما على يقين أن صوت الاخر...يهز كيانه..بمجرد وصوله لأذنه

خطأ

أن تعطيه حق السيطرة عليك...وكأنه فعلا زوجك

فيصبح آمرا ناهيا...وتطيعيه و تعصى أبوك وأمك

تذكرى أنه لا يزال غريبا

ولا تطالبها بما ليس من حقك

لاتعطيه المفتاح

الحب الحقيقى 44557_wallpaper280

حبيبتى...
ان المفتاح معك
أغلقى الصندوق...وأجمعى كنزك...
فهو لن يمسه....الا بأمرك
وفقط...عندما تسمحين أنت بذلك
لا تفقدى بريق جوهرتك
أعلم أنه يحبك...ومغرم بك...
ماذاتقولين أنه مؤدب و ملتزم...نعم..نعم...
لكن هناك أوقات...تنسى أنت...وينسى هو كل شىء....
ولا تتذكران الاالحب
فينتشر الضباب...وتعمى عينك...وتعمى عينه
وأعلمى أنه سيأتى يوما ما....وعندماتتزوجينه باذن الله.
ستسمعينها...منه..بنفسك
أنه يفتخر...بحيائك...واعتزازك بنفسك
وأنك عندمارددتيه...ازددت علوا....وكرما..فى نفسه
والاجمل....والاطهر
أن تغلقى المفتاح....فى سبيل الله
وابتغاء مرضاته

هنيئا لك ان كانت هذه نيتك.

...............................................................
................................................
................................
....................
........
...
.

طيب
اســـــــــــــــــــــمعونى
مين؟؟
أنا....
انت مين؟؟
فلان
أهلا..فلان.....خير؟؟
أنا معجب بيها...وبأخلاقها....ووشكلها...(ما تفهمونيش غلط...انا بأغض بصرى))
بس الحكايه.....خايف أظلمها
وعاوز أتعرف بيها أكتر
واتناقش معاها...علشان أتأكد من شخصيتها
فيها ايه لو اتكلمنا فى وسط الكليه....وادبنا نفسنا فرصه أكبر للتعارف
مش يمكن ما أعجبهاش أنا كمان
هو فيه حد بيحب من بعيد لبعيد!!
يبقى لازم تسمع الحدوته الوحشه....علشان تعرف اللى حا يحصل

الحب الحقيقى Love

حدوته وحشـــــــه
حكاية عتريس...وفؤاده
كان يا مكان....فى قديم الزمان
كان فيه شاب بيحب....شاف واحده عاوزه تتحب...معاه فى كليه وحشه
ولأنها ضحكت له بطريقه وحشه...ضحك لها بطريقه أوحش
نسيوا ان فيه ناس حواليهم...بتراقبهم بطريقه وحشه
قرب منها...بطريقه وحشه...وقربت منه بطريقه وحشه
كلامهم كان مكشوف...ووحش....واتفقوا انهم يحبوا بعض بطريقه وحشه
اتصل بيها...واتصلت بيه...وكانوا بيكلموا بعض مكالمات وحشه
مع ان صوته وحش.....وضحكتها وحشه
اتقابلوا كمان فى كافيتريا وحشه
الناس شافتهم...وقالت عليهم كلام وحش..وحاجات وحشه
مسك ايديها...ومسكت ايده...بطريقه وحشه
بعد شويه...بعتت له جواب بخطها...وكتبت فيه حاجات وحشه
راحوا رحله مع زمايلهم...واتصرفوا بطريقه وحشه...
وبعد أسبوعين كان معاه صوره ليها....ومامته شافتها...قامت فكرت فيها بطريقه وحشه
فات كام سنه...واتخرج الوحش....وما راحش اتقدم للوحشه
اتقدم لها عريس....ولما سأل عنها...سمع حاجات وحشه
مشى و ما رجعش...لأنه ببساطه..عرف انها كانت بتحب بطريقه وحشه
ولسه الوحش ماراحش يخطب البنت الوحشه
وهى فى انتظاره...وقلبها بيتألم بطريقه وحشه
ودى نهاية اللى بيغضب ربنا
بطريقه وحشه

أنا فاشل

الحب الحقيقى Loser

هو ده اللى حسيته لما قريت كلامك
أيوه
لأنى بأحب فؤاده....ومش عارف أعمل ايه
والجواز محتاج مبلغ كبير...لو من النهارده حا أوفر....يبقى حاأتقدم لها و أنا عندى سبعين سنه
وكمان لو ما شفتهاش السبعين سنه دول...حا أتجنن
وهى كمان حا تتجنن

الحب الحقيقى 37

طريقة التفكير

أهم شىء فى الانسان
طريقة تفكيره
غلط اننا نفكر بانهزاميه....ونحس اننا ضحايا
ونعيط...واحنا بنتخيل صورة الفشل
مش بأقول نشترى مخ جديد!!!!!
لأ
اقنع نفسك...وواجهها
هل تحبها فعلا...........!!!!
أم تحب نفسك...وعاوز تريحها!!
أصل اللى بيحب حد...بيخاف عليه....وبيحافظ على شعوره...واحساسه...وممكن يضحى علشان يسعده
يعنى
....لو بتحبهافعلا...انت اللى حا تقول لها...استنينى...وأصبرى...بس علشان
ما حدش يقول عليكى كلمه مش تمام...أنامش حا أقف معاكى...ولا حا أكلمك000
حتي لو كلمتك هيكون بادب مش هخدش حيائك و لا هجرحك 000 لاني بجد بحبك اوي
000 لانك في عيني بكل البنات 000 لانك جوهرة صانت نفسها عشاني 000و انا لو
بحبها صونها و احافظ عليها 000 لانك انا 000 وعمري ما هبيعك و هتخلي عنك
000 و هتفضل صورتك في قلبي من غير ما اقولك
لانك
جوهرتي المصونه و ام عيالي و شريكة حياتي 000 هبيع الكون عشان يجي يوم و
اقولك بحبك 000 بس و انتي مراتي و جوهرة حياتي ...وما تفتكريش انى بأهرب
منك
أنا بأحافظ على سمعتك

طب و الاحساس بالفشل
الحل بسيط.....قول لنفسك....أنا جدع

أنا جدع

عاوزه أسمعها منكم كلكم
أصلنا لازم نشجع نفسنا...طالما بنطيع ربنا
صحيح فيه تحديات....ومشاكل.....وصعوبات
بس أول خطوه.....الثقه بالنفس
واللى عمرها ما حا تكون الا فى قلب شاب و شابه بيطيعوا ربنا
بص لمميزاتك....ورتب أولوياتك
لأن الطريق الى الزواج.....يحتاج...انسان ناجح

يعنى أنساها

الحب الحقيقى 22

خليها هناك....هناااااااااااااااااااك فس قلبك
جوهره مصونه....ولؤلؤه مكنونه...تنتظر وصولك
لم تخدشها مره....ولم تلمسها....
أنا مش بأقول امسحها...ولا غير ملامحها
زى ما هى.....واسعى يا عبد
وربنا أكيد حايساعدك...بس فيه حاجات لازم انتم يا بنات تعرفوها
علشان يبقى الكلام موزون

اختى الحبيبه

الحب الحقيقى New_glasses

شايفاكى بتضحكى قوى...وفرحانه....وشايفه الدنيا بنضاره وردى
بس النضاره اللى فى ايدك التانيه دى...مهمه قوى
يا ريت ترجعيها......علشان نشوف الواقع
الواقع
عارفه انك فرحانه قوى...وسعيده..لأنه بيحبك
بس الفرحه...والضحكه...والاحلامالورديه مش كفايه
يعنى ايه؟؟
يعنى لازم تساعديـــــــــــــــــــــــــــــه
ازاى؟؟؟

الحب الحقيقى 13

رأس المال
أكيد مش فلوس...وبس
من ترضون دينه و خلقه
لأنه بالتأكيد حا يحافظ عليك
وبعد كده...لازم تعرفى...وتتوقعى معاه كام...ويوم ما حا يخبط على باب الببت...كمان حا يكون معاه كام
لــــــــــــــــــــــــــــــيه
علشان ما تطلبيش لبن العصفوره......وديل الفار.....و...و...
يعنى ايه؟؟
يعنى تقفى وقفة جدعان....وتتنازلى عن أشياء ليست ضروريه...ليكتمل عش الزوجيه
مش أول ما يوصل....تدى ودنك لماما بكيزه...وخالتى سنيه...وتطلبى منه
شبكه من مكام بنات العيييييله
وفستان زى فستان حسنيه بنت خالتشى
وحفله تليق بمكام بابا و أصدكاؤه
وبوفيه يليق بصديكات ماما
وبعد كده...لازم يدخلو يطلع بهديه.....والعفش لازم يشتريه من الماركه الفووولانييه
والاجهزه......لازم تكون كامله
فين التضحيه
فين الرأفه
فين التعاون...والتيسير
فكرى بالعقل.....واستغنى عن الحفله....ومش مهم صديكات ماما يأكلوا كل الاكل ده
وحطى فى بالك...ان لو جه يوم و اختلفتم فيه
لن تنفعك الشبكه
ولو كانت بمليون جنيه
الكلام ده...للبنات اللى عارفه كويس يعنى ايه قرار...بالارتباط
وبتفكر تمام...قبل ما توعد.....وقبل ما تقف على الجزيره...
جـــــــــــــــزيرة الحــــــــــــــــــــب
وتستعد للانتظار

حديث شريف

الحب الحقيقى 16820_wallpaper280

قال رسول الله صلى الله عليه و سلم :
ثلاثة كلهم حق على الله عونه :
المجاهد في سبيل الله ،
و النـــــــــاكح يريد العفــــــــــــاف ،
و المكاتب يريد الأداء .).

بشرى جميله....الله سيساعدك
وأنت أيضا يا أختى
ولكن متى......((عند اخلاص النيه))
حتى السعى للزواج...لابد أن تتذكروا فيه أن الغرض
العــفــاف
يا له من حديث يطمئن القلوب....ويشرح الصدور
اللهم صلى و سلم و بارك على سيدنا محمد
و على اله و صحبه و سلم

واسف على الاطاله لكن دلوقتى اكيد عرفت يعنى ايه حب حقيقى
الموضوع واحده اللى كاتباه
عشان بس بعض الكلمات اللى فيه

وجزاكم الله خيرا

عدد الرسائل : 51 تاريخ التسجيل : 02/10/2009

موضوع اكـــــثر من رائع

وفيه دعوه لكل شاب و شابه

للطريق الصح

لانه من الملاحظ

على طلاب الجامعات

المستجدين

انهم يشعرون بمجرد مرورهم من بوابه الكليه للوهله الاولى

بأنهم دخلوا الى عالم يسمح بكل المشاعر و الاحاسيس

وانهم اصبحوا كبارا

فلهم ان يحبوا و يتحبوا

وهذا شيء خطأ في خطأ

ان الحب موجود منذ كنا في ارحام امهاتنا

فالام تحب طفلها من قبل ان يولد

وكذلك دائما ما نسمع

حب نفسك كي ترتاح

حب ماتعمل لترتقي به

ان الحب يدخل الى كل الاشياء في حياتنا

وبذلك يكون من اسمى المشاعر المكنونه

سواء كانت من طرفين

او من طرف واحد

//

تقبل مروري

لك خالص شكري

عدد الرسائل : 15 تاريخ التسجيل : 16/10/2009

بجد موضوع فوق الرائع جزاكم الله خيرا ربنا يزيدوكم علم وايمان

مشرف عدد الرسائل : 350 تاريخ التسجيل : 18/09/2009

شكرا للبشمهندسه انجل والبشمهندسه داليا على مرورهم وارائهم

وياريت لو حد عنده استفسار يتفضل يطرحه ونقاشه

عدد الرسائل : 14 تاريخ التسجيل : 08/12/2009

توبك جااامد جدا على فكره تسلم ايدك